Eddy Kenzo pulezidenti w’ekibiina ky’abayimbi ekya Uganda National Musicians Federation awadde ensonga lwaki teyawagidde Alien Skin n’awagiramu Pallaso.
Kino kiddiridde abawagizi ba Alien Skin okumulumba ku Facebook nga bagamba nga pulezidenti w’abayimbi kyabadde kya buswavu okulaga oludda gy’agwa.
Kenzo bano abaanukudde nti ekyamuviiriddeko okuwagira Pallaso ne yeebalama Alien Skin kwe kuba nti Pallaso yamuwandiikira mu butongole ng’amusaba obuwagizi, Alien Skin ky’ataakola.
Kenzo era agamba nti alina okukkiriza nti Alien Skin ye yalumba Pallaso ekyaviirako akavuyo n’agamba nti ng’omukulembeze w’abayimbi yakirabye nga teyeetaaga kuwagira muntu wa mivuyo .
