Abantu basatu battiddwa mu ntiisa bwe babakubye amasasi n’okubatemaatema e Wakiso.
Bino bibadde ku Skyline Washing bay and parking ku Kavule e Wakiso, abatemu bwe balumbye ekifo ekyo ne batta nnyini kyo n’abakuumi be babiri.
Attiddwa ye Geoffrey Mayende 35 wamu n’abakuumi be okuli Bright Tumusiime , ne Harrison Fred mu kiro ekikeesezza leero.
Poliisi etuuse mu kifo ekyo n’ezuula emu ku mmundu y’abakuumi omuli amasasi ana wamu n’enkumbi era ebitutte ng’abizibiti .
Amyuka omwogezi wa poliisi mu Kampala n’emiriraano, Luke Owoyesigyire, agambye nti , Mayende yasoose kukubira poliisi y’e Matugga essimu nga bwe baabadde babalumbye nti kyokka we baatuukidde nga bamaze okumutta n’abakuumi be.
Ayongeddeko nti batutte embwa okuzuula abatemu , nti kyokka ne zibulwa naye ng’omuyiggo gugenda mu maaso.
