Bishop Ssebaggala akubiriza abazadde okufuba okuteekawo obudde eri abaana baabwe okusinga okwemulugunya nga bagamba nti abaana tebakyawulira ate nga abasinga bekuza bokka okusobola okubafunamu nga bakadiye.
Kitaffe mu Katonda James William Ssebaggala okukubiriza kuno akukoledde mu Bussaabadiikoni bw’eSeeta mukusaba kw’okusabira abayizi abagenda okutula ebigezo by’akamalirizo n’okubasiibula mubutongole ku somero lya St Catherine Junior School,Sonde awamu ne Misindye Church of Uganda Primary School mu Busumba bw’eMisindye ng’ayaniriziddwa Ssaabadiikoni Ven Canon David Mpagi,eyaliko Omukubiriza w’Abakristaayo mu Bulabirizi bw’eMukono Omutaka Kaddu Namutwe Christopher ,Mwami Ziribasanga omukubiriza w’eJinja Misindye ate ne Mwami Sserwanga owa Misindye,Omusumba Esmondi Sserunjogi,Omubuulizi Ntwatwa Johan Nsigalira,Abakulu b’amasomero awamu n’abazadde.
Bw’abadde asiibula abayizi bano n’okubasabira,Omulabirizi Ssebaggala esiira alitadde ku bazadde okufuba okuteekawo obudde eri abaana baabwe okusinga okwemulugunya nga bagamba nti abaana tebakyawulira ate nga abasinga bekuza bokka okusobola okubafunamu nga bakadiye n’olwekyo mubayigirize ebinabagasa nga bakuze.
Mu ngeri y’emu ye Ssaabadiikoni w’eSeeta Ven Rev Canon David Mpagi asabye abayizi bano okubeera n’ekigendererwa mubulamu bwabwe nga bakyali bato n’olwekyo balina okutandiikira wano okusoma ennyo kubanga awatali kutuyaana teri kufunamu so tebalina kugayalira misomo gyabwe.
Wabula ye omutandiisi w’esomero lya St Catherine Junior School,Sonde Eng Dr Muwuluke Zikusooka Jimmy akalatidde abayizi bano obutava ku ebyo bye babayigiriza naddala okubakuliza mubigambo by’omwoyo ate n’okubeera ekyo kye bali kubanga bbo bakoze ekimala.
Omukulu w’esomero lya Misindye Church of Uganda Primary School,Mutesasiira Mesach agamba nti oluvanyuma lw’okubeera mu mugalo ogwali omuwanvu ebintu bingi ebikyetaagisa okutereza mu masomero ga Gavumenti newankubadde ng’abayizi bangi beyongedde mu masomero kyokka ebizimbe bitono n’ebitulwako awamu n’okubeera n’abasomesa batono
