Poliisi e Mukono ekutte abavubuka 36, abaalumbye amaka g’omusirikale wa UPDF, Maj.Mark Wanyama ne bagamenya n’okwonoona ebintu ebirala.
Obulumbaganyi buno bwabadde ku kizinga kye Mbuya ekisangibwa mu nnyanja Nnalubaale mu ggombolola ye Mpunge.
Omwogezi wa poliisi mu Kampala n’eiriraano, Patrick Onyangoyagambye nti oluvannyuma lw’okwonoona ennyumba y’omujaasi,badduse nga bayita ku nnyanja nga bakozesa eryato wabula poliisi ng’ekulembeddwa DPC Edrisa Kyeyune, baatemezza ku poliisi y’okumazzi ne babakwata.
Yasabye abalina obutakkaanya okukozesa amateeka, beewale okutwalira amateeka mu ngalo.
