Sipiika wa Palamenti, Anita Among agaanye okuggya omubaka wa Munisipaali y’e Kira, Ssemujju Nganda ku kifo kye nga akulira ababaka ba FDC mu Palamenti.
Kino kyaddiridde ekibinja ky’ababaka ba palamenti abava mu FDC okusaba sipiika okuyimiriza enkyukakyuka ezakolebwa abakulembeze békibiina kyabwe kunsonga eno.
Ekiwandiiko ekyassibwako omukono gw’ababaka ba FDC mwenda, balumiriza Nandala Mafabi, Ssaabawandiisi wa FDC okusalawo ngómuntu nálonda omubaka Yusufu Nsibambi okudda mu kifo kya Ssemujju nga tasoose kwebuuza ku kakiiko ke kibiina akafuzi aka National Executive Committee
Mu kwanukula kunsonga eno, Among alagidde Mafabi okuwaayo obujulizi obulaga nti yasooka kutuula nábabaka ba palamenti abalala abava mu FDC ne bakkiriziganya okugya ssemujju ku kifo kweyali.
Agamba nti tasobola kukkiriza Nsibambi kutandika buvunanyizibwa obwali obwa Ssemujju Nganda okutuusa nga anyonyose kunsonga eno.
Sipiika mungeri yemu asabye obukulembeze bw’ekibiina kya FDC okukola ku nsonga eziteereddwa mu kiwandiiko kyábabaka abeemulugunya ku kyokugoba Ssemujju kuba singa balemererwa okukkanya kiyinza okutataganya palamenti.
