Obunkenke bweyongedde mu butale bwa Kampala okuli Owino, Nakasero, Wandegeya n’obutale obulala olwa bakulembeze mu butale buno okugenda mu maaso n’okusolooza empooza pulezidenti Museveni gyeyayimirizza bweyabadde agoba ababadde bakulembera obuta nti abasubuzi abagaana okusasula empoza bagwera mu makomera ekintu ekitabudde abasuubuzi.
Okusinziira ku basuubuzi abakolera mu butale okuli Nakasero bagambye nti waliwo banabwe abawerako abakatiddwa olw’okugaana okuwa empooza nga bano abtwaliddwa ku poliisi ya Old Kampala nebagulibwako emisango.
Ku nsonga eno olukiko lwa KCCA lutaddewo olukikko olugenda okunonyereza ku nsonga eno okuzula abakulembeze abakyasolooza empooza nabakungu mu KCCA ababade balya ssente mu basuubuzi nti era webanakizuula nga waliwo abakyagya ensimbi nabakungu ba gavumenti bonna bagenda kukwatibwa batwalibwe k polisi bavunanibwe olw’okugyemera ekiragiro kya pulezidenti.
Abamu ku bakulembeze abagibeddwako kuliko Kushaba Suzan owa Owino, Kimuli Faridah Wandegeya nakulira akatale k’e Wandegeya nga bano olukiko lwa Kanso ya KCCA bebagala okutwala ku poliisi babawabire nti bafuuse babbi olw’okuddamu okusoloza empooza mu katale ate nga pulezidenti yabayimirizza bakasala gyebagamba bagitwalira abamu kubakulira Kampala ate nga bamaze kutulugunya basuubuzi
Bakkansala ba KCCA batadde amyuka loodi meeya wa Kampala Doreen Nyanjura ababulire lwaki amagye ga UPDF gakyali mu katale ka Owino n’obulala nti securite eno erina kubeera mu maka ga pulezidenti sosi mu katale bagala KCCA ebabulire ani avunanyizibwa ku magye gano.
Bonny Bukenya Kkansala w’e Kawempe asabye olukikko lwa KCCA era luyise ekiragiro ekikwata abakunganya kasasiro mu Owino nga bakozesa loore za Kanso ate nga mu kukungaanya kasasiro ono basuubuzi babagyako ensimbi nnyingi
Embera eno abasuubuzi bagambye nti ebatadde ku bunkenke kubanga abantu bulezidenti beyagobye mu butale kati bakambuwadde nyo bagala kusolooza kasembeyo era kyandibaako abasuubuzi abamu okutibwa nga baganye okusasula empooza.
Kigambibwa nti Museveni bweyabadde agoba abakulembeze mu butale yawezze abakukembeze bano obutaddamu kusolooza mpooza yonna nabawa eymyezi esatu balage embalilira nensansanya
