Gavumenti ya Mozambique eggadde amasomero 90 okumala wiiki emu nga yeetegereza embeera y’amataba agavudde ku nkuba ey’amaanyi etonnye okumala ennaku eziwera n’ereka Disitulikiti ez’enjawulo nga zikoseddwa.
Gavana w’essaza lya Maputo, Júlio Parruque, ye yalangiridde bino mu lukung’aana olw’etabiddwaako abakulia amasomero gano omuli aga Pulayimale, aga Siniya n’amatendekero ag’enjawulo
Amasomero agaggaddwa ge gali mu Disitulikiti okuli Boane, Namaacha, Magude ne Manhiça Gavumenti n’eragira abaana okudda eka mu bunnambiro okutuusa ng’ezzeemu okubayita okudda ku ssomero.
Gavumenti yategeezezzza nti we lwatuukidde ku Lwokutaano ng’abantu 12 be baakafiira mu mataba gano nga mulimu n’abaana abato ate abalala 39,225 be babundabunda olw’amataba agavudde ku nkuba eyatandika nga February 7 ng’okuva olwo tesiriikiriza.
