Nabbambulira w’omuliro ateeberezebwa okuva ku masannyalaze asanyizaawo ennyumba z’abantu mu Ndeeba mu gombolola y’e Lubaga mu Kampala, mu kiro ekikeesezza leero.
Ennyumba eziyidde ziri mu kitundu ekimanyiddwa nga ku Railway mu Ndeeba.
Abatuuze bagamba nti omuliro gutandikidde ku waya z’amasannyalaze ezibwatuse mu bbanga nezitandika okuwandagaza omuliro, olwo negukwata ebintu.
Police ezikiriza omuliro etuuse mangu okutaasa embeera nga tenasajjuka, era tewanabaawo muntu agambibwa kuba nti afiiridde mu muliro guno.
Guno omulundi gwakuna omwaka guno ng’omuliro gukwata ebintu mu kitundu kye Ndeeba.
