Omusajja akutte mukazi we n’omusiguze mu mmotoka nga bali kwesa mpiki.
Akawungeezi k’olunnaku olw’eggulo ku Ssande, omukyala yasabye bba okugenda mu kivvulu mu Summer Garden mu disitulikiti y’e Mukono ne mikwano gye okulya ku bulamu.
Omukyala ategerekeseeko erya Aidah yavudde awaka ku ssaawa nga 11 n’emikwano gye omuli Ibrah ne Stella.
Bba yabadde asigaza omwana waabwe omuto mwaka gumu.
Oluvanyuma lwa Aidah okugenda, bba Kawalya, yafunye okutya nti muganzi we ayinza okuba alina omusajja omulala.
Yakubidde mukwano gwe essimu okuyamba okusigaza omwana era bwatyo Kawalya yasazeewo okulondoola Aidah okuzuula amazima oba ddala ali mu kivvulu.
Okutuuka mu kivvulu wali ku Summer Garden nga kituufu Aidah yatuuse dda kyokka yabadde n’omusajja omulala nga bali mu kunywa n’okulya enkoko.
Ku ssaawa nga 3 ez’ekiro, Aidah yafulumye n’omusajja okugenda era Kawalya yabadde abatambulizaako amaaso.
Nga batuuse mu mmotoka ekika kya Toyota Mark X, Aidah yalaze nti ddala ali mu laavu n’omusajja kuba yabadde amunywegera nga tewali kutya kwonna.
Emmotoka yabadde mu kazikiza era omusiguze yasobodde okwambula Aidah akawale nga Kawalya alaba buli kimu.
Mu kiseera nga Aidah ali mu kaboozi n’omusiguze, Kawalya yalumbye emmotoka wakati mu maziga, “Aidah biki bino, ekyo ddala kivvulu”.
Wakati mu kuswala, Aidah yatabukidde Kawalya okumulondoola ate omusiguze yasobodde okudduka okudda mu bantu okwewala ebiyinza okudirira.
Kawalya yalabudde Aidah, obutagezaako kudda awaka kuba kati afunye omusajja ayinza okumusanyusa mu nsonga z’omu kisenge.
Wadde Kawalya yabadde mu maziga nga yewuunya obwenzi bwa Aidah, abadigize bagamba nti kikyamu omusajja yenna okulondoola omukyala kuba kati obwenzi bungi.
Aidah yavudde mu kifo nga yenna asobeddwa eky’okuzaako ate Kawalya naye yafunye bodaboda okudda awaka e Sseeta oluvanyuma lw’okutegeera nti omukyala mwenzi nnyo.
