Abavubi ku mwalo gwe Kimmi ku kizinga Koome mu District ye Wakiso bakedde ku muyiggo ogwa bavubi bannabwe abaagudde mu Nyanja akawungeezi k’e ggulo.
Eryato mwebabadde batambulira lyakubiddwa omuyaga neribbira mu nyanja Nalubaale.
Abavubi bagamba nti bakategeerako munabwe omu Jajja Ronnie eyabadde nebanne nga bagenze okutega obutimba, Engine y’e lyato mwebabadde batambulira nekwata mu Butimba wakati mu nnyanja, ekyaviiriddeko amayengo okubikka eryato neribbira.
Wabula ekitongole ekyekeneenya embeera yóbudde mu ggwanga ekya Uganda National Meteorological Authority (UNMA) kirabudde ku mbeera y’ennyanja Nalubaale egenda okukyuka olw’amazzi ageyongedde n’omuyaga ogw’amaanyi ekiyinza okuvaako obubenje ku nnyanja.
Yusufu Nsubuga omukugu mu UNMA agambye nti embeera ye nnyanja yakwongera okwonooneka okutuusa sizon y’enkuba ng’eweddeyo.
