Police mu Kampala n’emiriraano ng’eri wamu n’eggye lya UPDF, ne CMI ekutte abantu 7 abagambibwa okuba nti bebabadde bajingirira bbomu, ezibadde zigenda okukozesebwa okukuba ebitundu ebyenjawulo mu Kampala.
Amyuka omwogezi wa police mu Kampala Luke Oweyesigire agambye nti abakwate basangiddwa Nabweru North ward mu gombolola ye Kawempe mu Kampala.
Abakwate kuliko Kalyango Muhammad,Katumba Abdul,Ssekidde Hamidu, Ssali Arafaat, Katumba Abdallah, Asiimwe Emmanuel ne Damuyonde Hamidu
Police era etegezezza nti eriko bbomu gyezudde ng’etegeddwa ku kkubo e Nabweru, era nga kigambibwa nti abatega bbomu babadde bateekateeka kwerimbika mu bantu ababadde bateeseteese okwekalakaasa olw’ensonga ez’enjawulo, batabangule ekibuga.
