Kkooti enkulu esazizaamu ekiragiro ekyaweebwa Dr. Kizza Besigye ekyokusooka okusasula ssente obukadde 30 okweyimirirwa ku misango gy’okukuma mu bantu omuliro beekalakase.
Kati Kizza Besigye kkooti enkulu emulagidde asasule ssente obukadde busatu mu kifo kya 30.
Besigye amaze mu kkomera ennaku ezisoba mu 10 mu kkomera e Luzira oluvanyuma lw’okugaana okusasula obukadde 30 nga omulamuzi wa kkooti ya Buganda Road Siena Owomugisha bweyali amulagidde.
Omulamuzi wa kkooti enkulu Micheal Erubu agambye nti ekiragiro kyokusasula Besigye obukadde 30 kyali kikakali nnyo ng’ate omusango ogumuvunaanibwa ne bwegumusinga ekibonerezo asibwa emyaka 3 gyokka oba okumusasuza fayini.
![](http://ssekanolya.co.ug/wp-content/uploads/2021/04/Websitelogo.png)