Abakwatiddwa kuliko Lawrence Luwaga 32, nga mutuuze w’e Nansana, Nauru Saadi 45 Omucongo ne Patrick Kasereka nga naye Mucongo abanoonyi b’obubudamu.
Bano baggyiddwa mu zzooni ya Traingle mu garagi ya Luwangula Auto garagi era nga nnyini yo Luwaga kigambibwa nti abadde aliko emmotoka eziwerako z’akyusa.
Kigambibwa nti garagi eno eri kumpi ne Monalisa Club e Rubaga era ng’emmotoka ezisukka mu 15 ne yingini ze zisangiddwayo.
Mu zino mulimu Land cruiser ,Nissan Patrol , Toyota Hilux ne Harrier wamu n’ebiwandiiko ebijingirire ebigambibwa okuba nga bye beeyambisa okuzikyusa.
Omwogezi wa poliisi mu Kampala Nn’emiriraano, Patrick Onyango agambye nti ezimu tezibadde ne biwandiiko era nga zikuumirwa ku poliisi ya Old Kampala.
