Poliisi ekutte abantu 3 nga bonna bakozi mu dduuka lya mobile money ne money agent e Kaliisizo Kyotera eryanyagiddwako obukadde bwa shs 150 ku mudumu gw’emmundu.
Poliisi okuva e Masaka esazeeko ekifo ekimanyiddwa nga Ziriddamu mu kibuga Kaliisizo n’ekwata Lwanga Frank Maurice ng’ono yabadde addukanya edduuka lya mobile money ne money agent eya Stanbic ne Centenary, nekwata n’abakozi abalala 2 bategeerekeseeko erya Kisolo n’ omuwala Cathy, abaaliwo ng’abanyazi banonye omunyago gwabwe.
Kigambibwa nti ab’ekitongole kya Frying Squad bebabayodde wakati mu bukuumi obw’amaanyi, bagende bayambeko ab’ebyokwerinda okuwenja ababbi b’emmundu bano.
Obunyazi buno bwaliwo nga 01 June,2023 ku ssaawa nga bbiri ez’akawungeezi.
