Omusajja agambibwa okutta omuntu kkooti emugaanye okubaako ne kyayogera n’asindikabwa ku limanda e Luzira okutuusa nga 22/o4/2023 ng’oludda oluwaabi bwe lukungaanya obujulizi asindikwe mu kkooti enkulu ewulira emisango gya nnaggomola .
Amanyidwa nga Andrew Mubiru 30 ,yasimbiddwa mu kkooti ya Nateete Lubaga e Mengo, omulamuzi Amon Mugezi n’amusomera ogw’obutemu .
Kigambibwa nti nga 02/01/2023 e Lusaze mu Lubaga yeetaba mu kkobaane eryavaako okufa kwa Musa Ddumba Mutaifa.
