Abategesi b’ebivvulu bagobye Abbey Musinguzi – Abtex ku bwapulezidenti bw’ekibiina ekibakulira.
Okusinziira ku bbakuwa eyafulumizidwa n’eteekebwako omukono Nobert Twizire – Nobert Events akulira eby’okukwasisa empisa mu kibiin kya Uganda National Promoters’ Federation , yagambye nti Abtex baamugobye mbagirawo .
Yagambye olukiiko olwagobye Abtex lwatudde ku Alur Hotel , edda eyalinga Serene Suites e Mutundwe okumala ennaku 4.
Bapulomoota babadde baamuwa ekifo ekyo okukola nga Pulezidenti waabwe naye balabye nga tasaana kubakulembera.
Bakimutaddeko nti yeeyisa mu ngeri emenya amateeka bwe yategeka ekivvulu kya Alien Skin eky’ekibwatukira , ku freedom city e Namasuba.
Kyokka nga yali akimanyi bulungi nti ku lunaku olwo , ne Pallaso yali ye yasooka okulanga ekivvulu kye ekya Love Fest e Lugogo nga 9/06/2023.
Bagamba ekikolwa kya Abtex kino kyalaga omuntu atawa bapulomoota banne nga Balaam mukisa kukola.
Bano tebaayogedde ani gwe bazzizza mu kifo kya Abtex.
