Olukiiko olukulira okulonda mu ttiimu ya SC Villa wiiki ewedde lwafulumiza enteekateeka enayitibwamu okulonda Pulezidenti wa Villa omujja era nga ku nkomerero ya byonna okulonda kwa kubeerayo ku lwomukaaga luno nga 13. Webutuukidde olwaleero nga Hajji Omar Mandela n’akakiiko ke beebakajjayo empappula ez’okuvganya era nga balina omukisa munene okutwala ebifo olwensonga nti teri balala balaze kuvuganya ate nga ne mu nkambi ya Villa, abasinga bebawagira olwokusobola okuyisa enteekateeka mubwangu.
Hajji Omar Mandela ayimiriddene Daniel Bakaki wamu ne Eng Ben Misagga eyatadde emirimu gye ku Nyamityobora FC, CEO owekiseera Mohammed Bazirengedde ne Hajji Salim Ssemanda. Villa yakukungunta abaneesimbawo era eyite mu mitendera ejisaanidde ppaka ku kulonda. Abawagizi ba Villa bokka abawandisibwa mu Villa Member’s Trust bebagenda okwetaba mu kulonda kuno.
