Muzzukulu wa Muteesaasira era Nnalulungi w’ebyobulambuzi mu Buganda ne Uganda Nabulya Sydney Kavuma asabye government okussaawo omutemwa gw’ensimbi, okukwatizaako bannauganda abalina ebitone ebyenjawulo, abesowolayo okusitula bendera y’eggwanga mu nsi yonna.
Nabulya okusaba kuno yakukoze ayogerako eri banamawulire ku Zoo e Ntebe, bweyabadde yakakomawo okuva mu mpaka z’obanalulungi bebyobulambuzi ez’ensi yonna ezaayindidde e Malaysia.
Mu mpaka zino Nabulya yetisse engule ya munnabitone eyasinze banne ( Miss Talent).
Ate yo engule y’obwannalulungi w’ebyobulambuzi mu nsi yonna bwawanguddwa owa Thailand Suphatra Kilangprom.
Nabulya agambye nti bannauganda abetaba mu bintu ebyenjawulo ku mutendera gw’ensi yonna singa bawebwa obuvujjirizi obewerako okuva mu government, kisobola bulungi okutumbula eby’obulambuzi bya Uganda.
