Sipiika wa district y’e Kayunga, Bulisoni Saleh agobye bakansala abakeera ku kitebe kya district okutayaaya n’abalagira babeere mu magombolola bawulirize ebizibu eburuma abantu abaabalonda.
Kigambibwa nti abamu bagendayo kusabiriza ssente .
Agambye nti kkansala ateekeddwa kujja ku district nga waliwo olukiiko oba nga alina ensonga wabula ssi kya buli lunaku nga abamu bwe bakola.
Bulinsoni abawadde amagezi nti mu kifo ky’okutambuza olugambo beenyigire mu mirimu egivamu ssente bakyuse ku meera y’obulamu bwabwe kubanga n’abo a baleeta ssente bakola nkole.
Bbo bakansala bagamba nti buvunaanyizibwa bwabwe okulondoola abakozi bye bakola era eky’okubakugira kibalowoozesa nti waliwo bye bakukusa bye bataagala bategeere.
