Sipiika wa palamenti ya Uganda, Annet Anita Among atabukidde aboogerera emikolo gya kyabazinga wa Busoga William Wilberforce Gabula Nadiope (IV) okukikomya ku banga si be basalawo ku muwendo gw’abakazi omusajja balina okuwasa.
Among bw’abadde akubirizza palamenti agambye nti ,abantu bangi naddala ku mikutu migatta bantu bagufudde muze okwogera kalebule ku nsonga ezitabakwatako naye nga tamanyi gyebaggya busungu okulwanyisa enteekateeka za bantu abalala okuggyako obutayagaliza obubajudde
Abasabye okwesonyiwa ensonga zonna ezikwata ku mbaga ya Kyabazinga kubanga alina obuwagizi bwa bwa gavumenti era nakakasa nti egenda kubeerayo oba baagala oba tebagala .
Kyabazinga Nadiope wakukuba omwagalwa we Inebantu Jovia Mutesi embaga ku Lwomukaaga lwa wiiki eno wabweru wa Lutikko ya Christ’s Cathedral Bugembe era abagenyi bangi abasuubirwa okwetaba ku mukolo guno omuli n’omukulembeze w’eggwanga Yoweri Kaguta Museveni.
