Minisiter omubeezi avunaanyizibwa kukuteekerateekera eggwanga Amos Lugoloobi atuusiddwa ku kkooti ewozesa abalyake n’abakenuzi e Kololo mu Kampala okuggulwako emisango gy’obulyake, ng’alangibwa kwenyigira ku kwekomya agamu ku mabaati agaali ag’abawejjere e Kalamoja.
Minister asuubirwa okusimbibwa mu kaguli ka kkooti ku saawa munaana ez’emisana, nga mu kiseera kino atwaliddwa mu kkomera lya kkooti eno agire ng’akuumibwa eyo.
Lugoloobi yakwatibwa police ku Friday n’aggalirwa mu kaduukulu ka police y’e Kira, gy’agiddwa atandike okuwerennemba n’emisango.
Minister Lugoloobi yeyunze ku minister w’ensonga z’e Kalamoja Mary Gorreti Kitutu eyaggulwako edda emisango gy’okwezza eminwe gy’amabaati 14,500 era yasibwa okumala ennaku 8 okutuusa lweyayimbuddwa wiiki ewedde ku kakalu ka kkooti.
Wofiisi ya Ssaabawaabi wa government yategeezezza nti nti waliwo ne ba minister abalala 7 abasuubirwa okugombebwamu obwala, era nga fayiro zabwe zaawedde okutegekebwa.
