Baakoze ennongosereza mu mpaaba ne basomera abantu 11 emisango 11 okuli okukukusa ssente, okufiiriza bbanka ssente n’okwekobaana okuzza omusango era oludda oluwaabi ne lutegeeza nti terunnaba kumaliriza kunoonyereza.
Abavunaanibwa kuliko; Moses Ayesiga 42 ng’ono maneja ku ttabi lya bbanka ya Stanbic ku Garden City, David Ssekitto 39 maneja w’ettabi lya Freedom City, Geoffrey Nsabagasan 37, Ritah Komukama 26, Phiona Nankya 38 nga bano batuukibwako ssente mu bbanka ya Stanbic ku ttabi lya Garden City ne Freedom city.
Ayesiga ne banne babadde bakomezeddwawo ku kkooti e Kololo ewozesa abalyake mu maaso g’Omulamuzi Joan Aciro okumanya oludda oluwaabi werutuuse.
