Omusubuuzi omwatikirivu mukibuga kya Masaka amanyikiddwa ennyo nga Lwasa Emmanuel Kaweesi, w’osomera bino nga gakaaba gakomba oluvanyuma lwa mukyala we Angel Kwakunda okulabikira mukatambi nga ali mukunywegera omusajja ateberezebwa okubeera omusiguze.
Mukatambi akafulumye era nekatambula kumikuttu jimugatta bantu kalaze Angel Kwakunda nga ali mukaffo akaccakalirwamu era nga bakira eno weyemola nga bwayisa emikono gye ejiweweera kumuvubuka amanyikiddwa nga Abdul Kamulegeya era nga ono yali mukozi ku Bukedde fm era nga okukakana nga amunywegedde mulwenywegero luli olulumya abataliiko babwe.
Lwasa ne Angel babadde bakakuza omwaaka gumu bukyanga bakola omukolo gw’okwanjula mubazadde b’omuwala e Luweero,kiteberezebwa okuba nga omukwano gwabwe gwatomedde ekizinzi era negukoma okusinzira kubitambula.
Newankubadde ababiri bano tebanabako kyebogera kukatambi kano, gyebuvuddeko ku balaza ya sabiiti ewedde, omukyala Angel Kwakunda yagenda kumukutu gwe ogwa “Instagram” natekayo obubaka nga alaga nga bweyakuguka muky’okumenya emitima gy’abasajja, ekiteberezebwa okuba nga n’ogwa Lwasa teyagulese wagulu.
Lwasa nga tanafuna Angel gwabadde apepeya naye, yasooka kubera mumukwano n’omukozi wa BBS Terefayina amanyikiddwa enyo nga Diana Nabataanzi wabula nga ono bayawukana naye era nga kinajukirwa nti ababiri bekasukira ebigambo kwosa nokubotola ebyama byabwe.
Bya Nyanzi Live
