Pulezidenti wa Rwanda, Paul Kagame agobye abajaasi abasukka mu 200 omuli n’abaamadaala aga waggulu.
Mu b’agobye mwe mubadde Maj. Gen Aloys Muganga, Brig. Gen Francis Mutiganda kw’ossa abakulu abalala 14 n’abalala 228 b’afuumudde ng’abalanga ensonga ezitannategeerekeka.
Bino Kagame abifulumirizza mu kiwandiiko ky’eggye lya Rwanda erya Rwanda Defence Force (RDF) kyokka n’atawa nsonga ebagobezza.
Bino we bijjidde nga waakayita olunaku lumu nga Kagame akoze enkyukakyuka mu bakulira amagye gano, n’agoba Minisita w’ebyokwerinda kw’ossa abadde akulira amagye mu kiseera kye kimu n’alangirira ne b’abasikizza – ekintu ekitali kya bulijjo mu Rwanda.
