Abazadde bakubiriziddwa okufuba okukuliza abaana mu kukkiriza Katonda, empisa, ennono n’obuwangwa bwabwe wadde Bali ku mmawanga
Okukubiriza kuno kukoleddwa Ssabadiikoni w’eLugazi Ven.Can.Edward Balamaze Kironde kubugenyi bw’aliko e South Africa n’okubuulira enjiri awamu n’okugatta Omulangira Jjuuko Frank ne Anitah Nazziwa Ssanyu ng’ono muwala w’omugenzi Asaph Ssenyonga e Namagabi- Kayunga.
Bw’abadde akulembeddemu okusaba kuno, Canon Balamaze akalatidde abagole okukuuma ekitiibwa ky’obufumbo era nga bamazima , abagaalana nga banyweeza Katonda anaabalungamya mu lugendo lw’obufumbo n’amaka.
Mu ngeri y’emu ono agenze n’akubiriza abazadde bonna abawangaalira e South Africa okufuba okukuliza abaana mu kukkiriza Katonda, empisa, ennono n’obuwangwa bwabwe wadde Bali ku mmawanga
Omukolo guno gwetabiddwako Maama Ruth Ssenyonga era yeebaziza nnyo banna Uganda abawangaalira e South Africa, okukolera awamu era n’okukuumakuuma bonna ababeera eyo.
