Ffamire ya Dr. Stella Nyanzi kawandula bigambo eby’obusagwa eyali omusomesa w’e Makerere atadde Eklezia ku bunkenke bwewaawaabidde Vicar General w’eklezia y’essaza ekkulu erya Kampala , Cherles Kasibante nga bakibassaako nti yabaleeteera ab’ebijambiya ku ttaka lye bakaayanira e Bukeri Masaka.
Suzan Nanyazi muganda wa Stella Nyanzi ategeezezza nti omwezi oguwede baabadde beelura empedda ku ttaka erya yiika 200 kitaabwe Joseph Nyanzi lye yagula ku mugenzi Karista Namagembe nga lyamelekelwa kitaawe Leo Bukulu ab’ebijambiya ne babasalako nga bababuuza ani abawadde olukusa okweruura empenda.
Bano baabababuuza oba balina ebbaluwa evudde ewa Vicar general Kasibante nga tebagirina.
Kasibante n’aba Stella Nyani bamaze ebbanga nga bagugulana ku ttaka.
Kasibante agamba nti baalitwala mu bukyamu ate ng’aba Stella bagamba nti balibaddeko okuva 1988 mu butuufu nga tewali abakuba ku mukono.
