Omuntu omu atanategeerekeka mannya eyakedde okusaabalila ku mmeeri eya MV Kalangala ebadde eva e Kalangala okudda e Entebbe yesudde mu mazzi naaffa.
Omuvubuka ono ateberezebwa okutemera mu myaka egy’obukulu 30 yasoose kutegeeza basabazze banne nga bwatabadde na nsimbi zakusasula mmeeri ebadde edda Entebbe, wabula babadde banaatera okutuuka neyesuula mu nnyanja.
Omugoba w’emmeeri Cornely Mujahuzi Agamba nti bagezezaako okumutaasa wabula tekisobose.
Mujahuzi agambye nti bategezezza Police ye Nakiwogo neggulawo file era baleseeyo essimu n’akasawo byalese ku mmeeri.
Guno gwe mulundi ogwokubili omusabazze okubuuka ku mmeeri ya MV Kalangala neyesuula mu nnyanja, ng’eyasooka yasuulamu mu mwaka gwa 2021 era yaleka ategeeza basaabazze banne nti yali akoonye ensi.
