Police ye Kabalagala eriko abavubuka 13 bekuumiira mu kadduukulu kaayo ku byekuusa ku by’okuffa kwa munansi wa South Sudan, eyaffiira mu Kivvulu ekyali ku Wonderworld e Kansanga.
Okusinzira ku police, abaddigize bwebali mu Kivvulu kino ekyaliwo mu kiro ekyakeeesa ku lwomukaaga, waliwo abavubuka abaalumba munnansi wa South Sudan atanaba kutegeerekeka mannya, baamubbako ebintu bye nga kwotadde nookumukuba, ekyamuviirako okufa.
Luke Oweyisigire amyuka omwogezi wa Police mu Kampala n’emiriraano ategezezza nti police ye Kabalagala yakola ebikwekweto mweyakwatira abantu 13 beyasanga n’ebintu ebitebereza okuba ebibbe.
Mu kiwendo kye kimu Luke Oweyisigire ategezeza nti police ya Old Kampala eriko abantu 73 bekuumira mu kaddukulu kayo beyakutte mu bikwekweeto byeyakoze olunaku olw’eggulo ku sunday, mu kukendeeza obumenyi bw’amateeka ng’eggwnaga lyolekera mu nnaku enkulu
