Akulira abasawo b’ekinnansi abeegattira mu kibiina kya Nakazadde Uganda N’eddagala Lyayo nga ye ssentebe w’akakiiko k’ebyobuwanga mu Bwakyabazinga bwa Busoga, Patrick Mudhungu (Uncle Samona), asabye abasawo b’ekinnansi okuwagira Gavumenti kubanga ebawadde emirembe.
Bino yabyogedde mu kwaniriza omwaka gwa 2023, mu maka ga Ssaababonesebwa w’abasawo b’ekinnansi, Kabona Kazibwe Lubanga e Ssesanga mu muluka gw’e Masuliita mu disitulikiti y’e Wakiso. Mudhungu agamba nti yeewuunya okulaba ng’abasawo b’ekinnansi balwanyisa gavument ng’ate ebawadde emirembe n’abalabula obuteenyigira mu byabufuzi kubanga tebigenda kubayamba
